കേരള ശാസ്ത്ര സാഹിത്യ പരിഷത്ത് 49-ആം സംസ്ഥാന സമ്മേളനത്തിന് മുന്നോടിയായുള്ള ഓച്ചിറ മേഖലാ സമ്മേളനം ആദിനാട് ഗവണ്മെന്റ് യു.പി.എസിൽ നടന്നു. രാവിലെ 10ന് പരിഷത്ത് ജില്ലാ കമ്മിറ്റി അംഗം വി.ചന്ദ്രശേഖരൻ സമ്മേളനം ഉത്ഘാടനം ചെയ്തു. മേഖലാ പ്രസിഡന്റ് എം.അനിൽ അധ്യക്ഷനായി. സ്വാഗതസംഘം കൺവീനർ അനീഷ്.കെ.മണി സ്വാഗതം പറഞ്ഞു. മേഖലാ സെക്രട്ടറി സി.ആർ.ലാൽ റിപ്പോർട്ടൂം ട്രഷറർ എസ്.ശ്രീകുമാർ കണക്കും അവതരിപ്പിച്ചു. ജില്ലാ കമ്മിറ്റി അംഗം എസ്.രാധാകൃഷ്ണൻ സംഘടനാരേഖ അവതരിപ്പിച്ച് മുഖ്യപ്രഭാഷണം നടത്തി. മേഖലയിലെ വിവിധ യൂണിറ്റുകളിൽ നിന്നായി വനിതകൾ അടക്കം 56 പേർ സമ്മേളനത്തിൽ പങ്കെടുത്തു. ശോഭനാ സത്യൻ, ആലുംപീടിക സുകുമാരൻ, വിനയൻ, അൻവർ ഹുസൈൻ, മുരളീധരൻ പിള്ള, നന്ദകുമാർ, അനന്തു, ഭാമ, സുധർമ്മ എന്നിവർ സംസാരിച്ചു. ഭാരവാഹികളായി എം.അനിൽ(പ്രസിഡന്റ്), സി.ആർ.ലാൽ(വൈസ് പ്രസിഡന്റ്), അനീഷ്.കെ.മണി(വൈസ് പ്രസിഡന്റ്), എസ്.ശ്രീകുമാർ(സെക്രട്ടറി), വി.വിനോദ്(ജോയിന്റ് സെക്രട്ടറി), രാഹുൽരാജ്(ജോയിന്റ് സെക്രട്ടറി), സുരേഷ് ബാബു(ട്രഷറർ) എന്നിവരെ തെരഞ്ഞെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ